KAJ, rezultati

Fotografije s cilja by Simke

Fotografije s tunela, Leusteka i Svetog Mateja by Ozren

Iz kuta Majde Horvat:

Je, je, maraton. Ali to ne bilo kakvi nego, baš onak, kak bi Međimurci rekli ‘za hasen’. I još k tome prvi. Ajd, tu bu se opet razvila polemika oko toga zakaj ja z svojih 21 bi il ne bi trebala bežati maratona, pa kud baš taj koji je over the hills and far away, ali oke. Živa sam, to je bitno, ostalo zadržite za sebe jer ne volim dok neko hoda za menom z lagvom soli pa posipa više neg zimska služba na Islandu. Pa. Where do I start? Ajmo od početka.

Kak sam zadnjih pol godine tak malo mazohistički nastrojena (čitaj, ispitujem granice sposobnosti, kolko morem zdržati dok se ne zrušim dole v ‘drop dead’ stilu); biram si sam tak nekše trke v kojima trebaš biti bolje lud neg trčati. Mislim, priznam ja da nisam dosta dugo v tome kaj bi se mogla preseravati z ne znam kakšim iskustvom, kondicijom, rezultatima, bla bla bla, kaj bumo se razmeli. Al ajde. Kak sam si malo dvaput premeknula gležnja na Medotreku v prvome mesecu (to je isto bila odluka godine, ide ona kak muha bez glave v ultra kategoriju, bu ona 50km rešila, šta. bu ona dnf, kaj, u redu je.), no, nesam se baš strgala od treniranja zadnja 2 meseca. I onak, raspravljam ja z Krešijom, bumo išli na Že100ko, nemo išli. On veli ide sigurno, ja reko, lepi dragi, neje to još za mene. Al kaj bum ve ja hujša od njega, i nit pet nit šest, našla ja sebi: KAJ maraton. 42.195 km od Kaptola prek Sljemena do Marije Bistrice. Hajdi pokora. Al dobro. Jeni jeni su celu Korizmu nekaj bančili, zapravo se niko živ neje toga držal kaje rekel. Ja bum to se v jenom danu zbavila za hasen pa ajt. Znala sam ja od početka da bum išla na to, al sam sejeno za saki slučaj poslala Jankiju poruku da je takša i takša situacija, da prvi put idem, i da bu mi prevelki šus na ego (posle Medotrečnog dnf-a) ak bu se na cilju sam mene čekalo. I veli meni čovek da je u redu, da nem baš zadnja zadnja i ono. Ajde. Nek se nađe. Kad bum ak ne ve dok sam nora. Nesam puno govorila okolo kam idem jer znam da mi niko od mojih doma nebi mel nikaj lepoga reči za to. Osim možda mame, a i ona mi je nekak sumnjiva pod zadnje, odkad sam po tim bregima počela hopsati.

Dobro, na prijavama smo. Nebrem reći da sam se baš nekaj preveć naspala, a bogami nit najela vjutro. Imala sam nekši pokušaj z špagetama i tunom večer prije, al toga je pol završilo v smeću. Živčanoća dela svoje. I tak ja dojdem do toga Kaptola (do tam sam se jedno 7 put uspela zašvicati v preveć punoj dvanajstici), skeširam Žani startninu i počnem cmoljiti oko toga kak ja to nem mogla. Znam da sam jedno dvajst put do samog starta ponovila ‘smaknuće’, ‘smrt’, ‘javite mojima da mi je bilo drago’ i ‘pelajte me v Čakovec’. Ajd. Pesimisti ostaju pesimisti. Treba ljude pripraviti na najgore pa ih onda iznenaditi. Dobro se smo to rešili, Nikola i ja skoknuli na kavu (zapravo wc) pa se pomali preslačit, motat gležnja i tak. Jeee, ve je već bilo gusto.

Stojimo na tome startu, onak, ispred katedrale i sam čekamo kak budu ovi droti ispred nas zleteli van z marice (no dobro, pretjerujem, neje bilo marice, bili su auti sam) i se nas postrelali točno v 10 dok počne zvoniti. Al nesu. Još smo čekali do jedno deset i pet dok nas je Janko ne strelil z ‘TRIČETRISAD’. Prije toga Nikola komentira kak sam smešna z svojim živčanjenjem. I tak krenemo. Normalno da sam ja i dalje cvilila i cmoljila, nešt si po svojem gombala v bradu kadli čujem z gomile (od nas tridesetnekaj): ‘Oooo ima nas još Međimurci!!’ I to je bilo to. Svaka ptica svome jatu leti, ili ne pada jabuka daleko od stabla ili bilokaj drugo sličnog konteksta. Odma ja k njima, ajmo mi. Vi me bar razmete kaj motam (ne znam kolko je to dobro dok počnem skidati svece tam posle 16. kilometra).

I tak gazimo mi prema Gračanima. Zajebancija, kaj buš drugo, kažem ja prema Sljemenu ‘O dečki, tam idemo!!’, a oni meni ‘Jee, tam moramo prejti!’. Tam oko Mihaljevca su počeli prvi polubregi (ak je to i b od onoga brega kaj nas je čekalo…). Ali uglavnom toga dijela se baš preveć nit ne sjećam, pojelo ga je sve ono od posle. Dojdemo do tunela, prva okrepa. Trekeri su već krenuli (a bil im je start pol vure posle nas, znači v 10.30). Kaj veli da smo mi od Kaptola do tunela bežali više od pol vure. Da sam išla na svoju ruku, valjda bi to zbežala za 15 minut i tam bi valjda onda ostala. Hroptati na podu. Tam sam dobila prvu lekciju, ‘Majda, vodu si zemi. I drži si flašicu v ruki.’ Reko, okej. Čovek zna. Malo posle čujem Vlahek. Ou. Onda je meni sinulo. Dobro dobro, mislim si, imamo profešnala tu, nema bojazni. Se bu vredu. Bar ak dojdem do pol (ceste) z njima. Tek sam posle tam, na drugoj strani saznala da je i Ivek (taj drugi Međimurec) prvi put bežal maratona. No, nesam jedini divljak.

Bežimo mi to pomalem, zajebavamo se usput, tam mi nekše gelove davaju, ja pitam ak se nem spovraćala od toga.. Svašta novo se navčiš dok se tak zagnaš kak muha bez glave nekam. I prejdemo već dosta velki komad puta, ja si već mislim, uj tibokca, pa ja sam do tud bežala?! Majda, Majda, ne ti je to baš, nebi već smela tu biti v stanju bežati.. Al to je vredu dok ideš tak na nekaj prvi put onda ne znaš do kud moreš. Pa sam tiraš dalje i dalje, pa jemput dok mora postati bu postalo. Il me  prehitilo. Cuclam toga gela, pljuvam vodu na se strane (rasipnički, to je bilo sam spočetka). Tam negde oko 15. kilometra sam zaključila da su oni ortopedski uloški za spuštena stopala zapravo mamina taktička kaj me prestigne (žena me potrla tjedan dana prije na krosu v Čakovcu), pa velim dečkima kaj malo postanemo kaj si ja to ščupam van z patiki. Pa je onda pak jen dio išlo lakše. Ti uloški su smrt v patikama na takšim utrkama. Fuj. Ne to. I tak smo već prešli sedamstoosemdesetdevetoga zavoja i našli se kod Grofice. E tu je već bilo lakše. Em je već ne bilo bregi, em je bil hlad, em je malo puhalo. Pa smo se Vlahek i ja malo zagnali, a Ivek je pomali hopsal za nama. Pa smo se pre Puntijarki nazaj zravnali, još malo i već smo bili na Hunjki.

I to je kaktiga bilo pol puta. Zakaj ne. (negde sam pozabila drugu okrepu al tam je ne bilo nikaj posebno osim kaj smo si zeli nove vode) Gore na Hunjki smo dobili kartončeke koje treba perforirati na 4 kontrole, kaoti kaj nebi kratili puta (ja si mislim, kam bum kratila puta, ne znam nit PO putu, kamoli mimo njega). Međimurci kak Međimurci, požrtni smo pojeli skoro se kaj su meli na toj okrepi, al limuni su nigdar ne bili tak dobri. Ivek nam je šećeraš pa si je meril šećera, ja sam nekaj blodila okolo i tak smo si počinuli. Kak je Nikola bežal polumaratona, dojde on v jenome času van z doma/krčme/kaj je već, ono, kaj da je nikaj ne bežal. Veli da si je već uspel i prespati. Reko, pa kaj si mel za vreme? Veli 1.40. Nori su ti Zagorci, nama je do gore trebalo 2.20. Dobro. Mi smo tek na pol bili, on je gotov. Nikaj, reko, Nikola, vidimo se v Bistrici, lepo si prespi i za nas.

Do tud smo bežali po cesti, ve pa drugi dio po šumi. Neko je rekel da je drugi dio sam nizbrdo. Je vraga. Tu smo već počeli pomalem prizivati svece, noru pamet i se ostalo. Al išlo je nekak. Pomalem. Prvih 7 kilometri posle Hunjke je brzo prešlo. I taman komentira Ivek: hjaaaj, pa sam još dvaput tolko. Sam kaj je tih još dvaput tolko trajalo kak se ovo skupa do ve. Al dok sam tam pre Gorščici vidla čoveka da bos (!) beži trekinga (čovječe, respect), reko, Majda.. Idemo. I tak smo šlepali jeni druge, pa se Ivek malo meril.. I već smo došli do civilizacije. I gledamo mi z toga brega de bumo spazili Bistricu, kadli, Bistrice nigde. Od te točke je bilo sam: ‘Je pa valjda je iza onoga tam brega’. Dok je ne zišlo da smo do tam prešli jedno 8 sela i 16 bregi. Kaj je najgore bilo, već je ve bilo negde tam oko 2, 3 popodne (znam da je Ivek pital kolko je vur točno v 13.55 i v 14.55) i sunce ga je gadno pripeklo. E onda mi se već i povraćalo i glava počela boleti i svašta. Znam da se nekše selo z raspisa zvalo Sveti Matej. Pitam ja ‘pa de je taj Sveti Matej’, misleći da moramo dam kartončeka zbušiti, a meni Vlahek ‘ma kaj ja znam, na nebi negde’. Nesmo već znali dal se bole veselimo nizbrdici kaj bumo bežali ili uzbrdici kaj bumo hodali jer se kaj smo šteli je leći se dole na travu. Asfalt. Zemlju. Gnoj. Ma na bilo kaj, sam kaj bu ležećki. Na zadnjoj okrepi sam pojela napolitanku, kocku šećera i roknula jedno 3 cedevite. Nekaj najgore kaj sam mogla napraviti. To se slatko dok se još z onim gelom zmućkalo i v kombinaciji z suncem v glavu, ja sam mislila da bum se zrigala kak sam se još nit jenu subotu ne. Al nesam ve na kraju mogla dečke z tim veličanstvenim prizorom počastiti. Rekli su nam na toj okrepi da ima još kojih 8, 9km do kraja. ‘Pih, mislim si, pa kaj je to, to sam već stoput bežala!’ I rivamo mi dalje. Ivek nam je klonul duhom al držal se. Znam da smo išli pored nekvog dvorišta na vrhu brega i vani invalidska kolica. Reko, ‘Vlahek, možda je morbidno, al imam čudne ideje’. Idemo dalje, v slijedećem dvorištu dva dječja bicikla i ona mala kolica za bebe igračke. E onda je već bilo smešno. I nizbrdica. Reko, navek sam štela probati downhill. I tak smo prerivali tih zadnjih 150 kilometri (onih 8, 9 kaj su rekli) i posle šume za voglom spazili crkvu. E, ja ne znam ak se v životu ko od nas tak veselil toj crkvi. Ja mislim da ne. Sam kaj smo mi još jedno 8 zavoji prešli do cilja. Taman sam komentirala, ‘već dobrih pol vure vidimo tu crkvu, al nikak da dojdemo bliže k njoj’. Već dok smo ušli v samu Mariju Bistricu skaže se pred nama nekša trekerica i onak sa v paniki počne pred menom bežati kaj da ju vrag tira. Onda dok je vidla da nebu mogla sam tak je usporila pa pitala kaj smo. Reko, dete drago, maraton. I tak se ona još gore na kalvariju uputila (buahahahhaha) a nama je tih ‘još 195 m’ zgledalo kak ne znam kaj. I veli Vlahek, o, tam je cilj, videl sam balona! Ja mislim da smo mi v tih 195 m valjda 10 put pitali ‘još dalko?’. I skrenuli iza ugla … i onda je se bilo gotovo.

Vreme 5h13min za 42.195km +1000m/nm & -1000m/nm, kroz pustinju i prašumu, točno kak sam rekla, over the hills and far away, al smo preživeli. Vlahek je oboril svoje najlošije vreme v maratonu, Ivek i ja smo zbežali svoj prvi. I to ne bilo kakši! Kak smo bile sam dve prijavljene žene (nekša Slovenka i ja), nije opće upitno da sam bila druga. Je. Cure. Kaj pa ste ne došle. Sori ve. Svi su generali posle bitke, neee? Mahnuli smo toga graha tam i gas na bus doma spat. Najgore je prešel gležanj ispod bandaže koja me nažuljala tak kaj ve zgleda kak da me neko zvezal za krevet i delal ne znam kaj z menom. Se bu to prešlo dok bum se ženila. Ne mi je žal niti sekunde kaj sam išla, kaj god bu ko rekel. Ak neko misli da za svoj prvi maraton v tim uvjetima i na toj stazi more bolje, nek mu je sa srećom. Ja sam z svojim čist zadovoljna. Mislim da pravog cestovnog nit nem išla bežat. Sam bum si takve zbirala.

I je, ko je to videl iti na Bistricu z autobusom. Amateri!